“Атам, апам жана мен” үй-бүлөлүк спорттук мелдеш.3-класс.
Үй-бүлөлүк ынтымакты, ишенимдүүлүктү жана ден-соолукту чыңдоо максатында 3-класстын окуучулары арасында “Атам, апам жана мен” үй-бүлөлүк спорттук мелдеши 2025-жылдын 24-февралында өткөрүлдү. Мелдеш командалардын спорттук формасы, эмблема жактоо өзгөчөлүгү жана кыймылдуу оюндарды өз эрежеси менен аткаруу тартиби боюнча бааланды. Оюнга чын дили менен катышкан үй-бүлөлүк командалар чыныгы үй- бүлөлүк сүйүүнү, гармонияны, бири-бирине болгон ишенимди, колдоону көрсөтүп бере алышты. Ар бир оюнчу өз командасы үчүн жан үрөшүп, кызыктуу оюн тартуулашты. Жыйынтыгында 1-орунду «Ынтымак» командасы , 2-орунду «Достук» командасы багындырып, активдүү катышкан ата-энелерге, окуучуларга класс жетекчиси тарабынан мактоо баракчалары, кызыктыруучу белектер жана акчалай сыйлыктар тапшырылып, ыраазычылык билдирилди.
Уюштурган класс жетекчиси: Кайыпбекова Айнура.
Ата-энелерди балдары менен бирге спорттук оюндарга тартуу үй-бүлөнүн ортосундагы байланыштарды чыңдоого, физикалык жана психологиялык туура өнүгүүгө жана мектеп менен кызматташууга көпүрө болуп берет.
Добавить комментарий