«Окуу керемет» ата-энелер чогулушу
Окуу керемет долбоорунун негизинде башталгыч класстардын (1-4-класстар) арасында №9-10- Ата-энелер чогулушу “Балдардын жазуу көндүмдөрүнүн өнүгүшүнө ата-энелердин салымы” жана “Баланын ийгилиги ата-энеден көз каранды” темаларында жалпы башталгыч класстардын ата-энелери менен бирдикте башталгыч класстын бирикме жетекчиси Бозжигитова Мээрим, башталгыч класстын класс жетекчилери менен чогулуш өтүлдү. Чогулуштун жүрүшүндө ата-энелерге жагымдуу маанай тартууланды (шариктер менен).
Чогулушту бирикме жетекчиси Бозжигитова Мээрим ачып, 1-кадам боюнча чогулуштун темасы жана максатын ата-энелерге тааныштырды.
2-кадам боюнча ата-энелерге анкета таратылып, ар бир ата-эне анкетаны өз алдынча толтурушту.
3-кадамда жалпы ата-энелер менен анкета боюнча талкуу жүргүзүлдү. Ар бир ата-эне өздөрүнүн балдарын канчалык деңгээлде билгендери тууралуу талкуулашты.
4-кадам. Ата-энелерди топко бөлүү “Бөлүкчөдөн бүтүндү чогулт”. Барактарга макалдардан бирден сөз таратылып, макалды чогултуп, макалдардын жардамы менен 3 топко бөлүнүштү.
5-кадам. Топто иштөө. Ар бир топ макалдын мазмунун талкуулашты. Үч топко тапшырмалар берилип, ар бир топ флип-чартка жоопторун жазышты. Топтор презентациялашты. “Таасир берүүчү пирамиданын” деңгээлдери боюнча жыйынтыкташты.
6-кадам. “Аутсайдер” оюну. Класс жетекчилер бардык ата-энелерди ортого чакырып, эки катышуучуну бөлмөдөн чыгарып, ойнотушту. Оюндун аягында класс жетекчи талкуу уюштурду.
Чогулуш 8 кадам менен уюшулуп, кызыктуу өттү. Үйгө тапшырма берип, ата-энелер чогулушу жыйынтыкталды.
Бардык ата-энелерге ыраазычылык билдирип, бирикме жетекчиси чогулушту жыйынтыктады.
Добавить комментарий